الإعلام تايم - د.خيرية أحمد

 

منسمع كتير بأحاديثنا مقولة "الكلمة الحلوة طالعة والكلمة البشعة طالعة" هالكلمات بتأثر فينا ويمكن تغير مسار حياتنا، كلمات بتخرج منا متل الرصاصة الطائشة بيكون قصدنا فيها أحيانا نقدم رأي للأخرين، بس هالرأي باخد شكل انتقاد مدمر.

نقد الأخرين ظاهرة شائعة بين الناس البعض بيتقبلها والأخر بيرفضها، القبول والرفض بيرجع لأسلوب الطرح ومضمون الكلمات.

النقد البناء يقوم ويعزز العمل ويشجعه ويكلل النجاح ويحفز الابداع، بينما النقد المدمر يهدم العمل ويفشله ويكبت القدرات.

فالنرتقي بكلماتنا وانتقادنا ليعود علينا وعلى الآخرين بالمودة والنجاح، لأن بعض الكلمات تستقر في القلوب كرؤوس الابر متى ما تحرك الفرد اوجعته.